Surah Kausar Ka Wazifa

Surah Kausar Ka Wazifa

Aaj hamari nation tarah tarah ke waswaso ka shikar hai. Wo apnay jismani aur muashi masail ke liye waseelay dhoondtay phir rahe hein. Hum apnay dukho se nijat hasil karna chahte hein aur is ke liye dunyawi saharo ke mutalashi hein. Quran Majeed ko taaq pr saja kar hum peeron faqeeron ke aastano mein apni takleefo ka ilaj dhoondte phir rahe hein.

Allah Rabbul Izzat ne insano ko kisi dor mein bhi rehnumai ke baghair paida nahi kiya. Jis dor mein Nabuwat ka silsila khtam huwa us dor mein bhi Allah ne insan ki rehnumai ke liye Quran Majeed aur Rasool ki Sunnat ko mashal e raah bana kar pesh kar diya. Jis mein noe insani ke liye na sirf rehnumai hai balke is ke sath sath us ki pareshanio ka ilaj bhi hai Quran Majeed mein Allah Pak khud farmate hein, A Muhammad PBUH kaho ye Quran Iman lane walon ke liye hidayat aur shifa ha.

Dil Ki Beemario Ke Liye Quran Ke Zariye Ilaj:

Dil ki bimari jin mein heart beat tez hona waghera shamil ha is ke ilaj ke liye tilawate Quran se behtar koi hal mojood nahi ha.

Surah Ra'd mein Allah Ta'la farmate hein

Jo log Iman laye un ke dil Allah ke zikar se itminan hasil karte hein. Yaad rakho Allah ke zikar se hi dilo ko tasalli hasil hoti ha is Ayat ki ziyada se ziyada tilawat jumla dil ki beemario se nijat ka sabab banti ha.

Zehrile Janwar Ke Katne Par Quran Ke Zariye Ilaj:

Zehrile janwaron ke katne ki soorat mein Surah Fatiha parh kar dam karna chahiye. Nez Surah Kafiroon aur Mauzatain parh kar dam karna chahiye. Aap PBUH ne bichoo ke katne par us jaga ko namak male pani se dhoya aur Surah Kafiroon aur Mauzatain parh kar us waqt tak dam farmate rahe jab tak aram nahi aa gaya.

Hepatitis Ke La Ilaj Marz Ka Ilaj:

Hepatitis 1 la ialj beemari ha aur us ke mareezo ki tadad mein din badin izafa dekhne mein aa raha ha aur us ke ilaj aur dam karwane ke liye log fake peero ke aastano par aksar dekh jate hein aesay logo ke ilaj ke liye Quran mein 1 mujarrab nuskha mojood ha. Is beemari mein mubtala mareez ko din mein 1 baar Surah Rehman ki tilawat sunai jaye aur us ke baad 1 glass pani pilayen Insha Allah kuch hi dino mein is beemari se nijat payen.

Maal o Zar Aur Ghar mein Khair o Barkat Ka Mujarrab Nuskha:

Surah Kausar jo Quran ki mukhtasar tareen Surah ha magar fawaid ke hisab se intahai kaseer asraat ki hamil ha. 1 potli bana lein jis par Surah Kosar parh kar dam kar liye karein aur is mein paisay dalte huway aur nikalte huway Surah Kausar parh liya karein. Is se khair o barkat mein izafa hoga.

Junoon Ya Mirgi Ka Qurani Ilaj:

Junoon aur mirgi ki beemari mein rozana subah o sham 3, 3 baar Surah Fatiha parh kar dam karna chahiye Quran Majeed mein tamam beemario ka ilaj mojod ha magar is se faiz hasil karne ke liye hamara Quran par yaqeen aur aetiqaad ka hona lazmi ha.
Yaad rakhein Allah ki zaat ne hamein kabhi tanha nhi chora agar hum kisi takleef mein hein to is ka bila wasta ya bil wasta sabab hum khud aur hamare aemaal hein.