Period Me Dard Ka Ilaj

Period Me Dard Ka Ilaj

Supplement Ka Istemal:

Wo khawateen jinhein haiz ke doran be intiha dard bardasth karna parta ha inehin rozana calcium aur magnesium ka regular use karna chahiye. Ye wo nutrient hein jo pathon ko skin dete hein jis se pait ke nichle hissa ke patho ko sukoon milta hai. Rozana 1000 mili gram calcium aur 500 mg magnesium supplement ka istemal yaqeeni banane se haiz ke dard ko kam kya ja sakta hai.

Garam Pani Ka Istemal:

Kunwari larkio ko aur in khawateen ko jinhein haiz ke shadeed dard ki shikayat ho inhein ziyada thanday pani ke istemal se mustaqil perhez karna chahiye, thandi ghizaon aur thanday pani ke isttemal se khoon ke bahao mein rukawat paida hoti hai jis se mahwari ke dard mein izafa hota hai wo ladies jinhein haiz ki qillat ya kasrat ke bais dard ho inhein badi, thandi ghizaon aur thanday pani ka istemal tark kardena chahiye, peene ke liye sada ya halka garam pani peene aur garam pani se nahane se pait aur kamar mein hone wala dard khatam hota hai iske ilawa garam kapray se seenkai karne se bhi haiz ke dard mein kami aati hai.

Massage:

Mahwari ke dard mein pait ke nichle hisse mein agar halke garam tail (Lavender oil ya olive oil) se dono hathon se gol circle mein malish ki jaye to dard mein aram aata hai aur peron ki enthan bhi door hoti hai.

Papeete Ka Istemal:
Ayurvedic mein papeete ko mahwari ke doran istemal karna tajweez kiya jata hai. Papeete mein papain juz paya jata hai haiz ki rukawat ko door kar ke dard ko fori door karta hai.

Aloe Vera:
Aloe vera gel ko bareek pees kar is mein hum wazan honey ki miqdar mila kar peene se bhi haiz ke dard mein rahat milti hai.

Mooli:
Mooli ke beejo ko pees kar 4 4 gram subah, dupehar aur sham garam pani se phankne se periods khul kar aati ha aur menses ka dard theek ho jata hai.

Sonth:
Jin kunwari larkio ko mahwari mein dard hota ho inhein sonth aur gur ka qehwa bana kr peena chahiye.

Neem:
Agr mahwari ke dino mein legs aur pait mein dard ho to neem ke patte aur adrak ka rus mila kar peene se dard mein fori aram aata hai.

Carrot:
Mahwari ke dard mein gajar ka istemal mufeed hota hai. 2 spoon gajar ke beej 1 chammach gur 1 glass pani mein boil kar ke rozana subah o sham garam kar ke piyen to is se mahwari mein hone wala dard theek ho jata hai.